By: Sthulile Mdletshe
Abathengi eNingizimu Africa yonkana bangase babhekane namanani aphezulu uma bethenga inyama ebomvu ezitolo njengoba izwe libhekene nokubheduka kwesifo samatele, esithathelanayo ezilwaneni.
Kwenzeka lokhu nje nasezweni lase Brazil kuqubuke umkhuhlane wezinkukhu nongase ube nomthelela ekukhiqizweni kwenyama yenkukhu uma lomkhuhlane uqhubeka nokubhebhetheka.
UNgqongqoshe wezoLimo u-John Steenhuisen usexwayise umphakathi eGauteng na KwaZulu-Natal, ukuthi ugweme ukuthenga izinkomo njengoba lezi zifundazwe ezimbili zihlonzwe njengezindawo ezihlaselwe yiso isifo samatele.
Uthi umnyango usubeke eceleni imali engango R17-million ekuzothengwa ngayo imigomo yemfuyo, ukuze iqalwe ilashwe ekuqaleni kweviki elizayo.
